Löggildur fasteignasali / fasteignasali
Nokkuð algengt er að neytendur og jafnvel starfsfólk á fasteignasölum geri mun á þessu tvennu. Það að vera fasteignasali eða löggiltur fasteignasali er alveg það sama. Í lögum um sölu fasteigna, fyrirtækja og skipa er ákvæði þess efnis að sá einn megi kalla sig fasteignasala sem hefur til þess löggildingu. Því miður hefur allt of mikið borið á því að þetta sé ekki virt en það er þá klárlega lögbrot ef einstaklingur sem ekki er fasteignasali kallar sig fasteignasala.