Niðurstaða Eftirlitsnefndar Félags fasteignasala þann 22.06.2006.
Fasteignasali þótti hafa brotið gegn 9. gr. laga nr. 99/2004 í störfum sínum sem fasteignasali með því að vanrækja að gera samning við seljanda fasteignar um söluþjónustu þar sem m.a. kæmi fram verkefni fasteignasalans, hver þóknun hans skyldi vera fyrir starfann eða hvernig hún skyldi ákveðin. Þá þótti fasteignasalinn hafa brotið gegn 10. gr. sömu laga með því að vanrækja lögboðna skyldu sína til að semja söluyfirlit um fasteignina áður en hún var tekin til sölumeðferðar.