Fasteignamarkaðurinn á höfuðborgarsvæðinu í maí 2010
Fjöldi þinglýstra kaupsamninga um fasteignir við sýslumannsembættin á höfuðborgarsvæðinu í maí 2010 var 210. Heildarvelta nam 5,8 milljörðum króna og meðalupphæð á hvern kaupsamning var 27,6 milljónir króna. Viðskipti með eignir í fjölbýli námu 3,6 milljörðum, viðskipti með eignir í sérbýli 1,5 milljörðum og viðskipti með aðrar eignir 0,7 milljörðum króna.
Þegar maí 2010 er borinn saman við apríl 2010 fjölgar kaupsamningum um 7,7% og velta eykst um 8,7%. Í apríl 2010 var þinglýst 195 kaupsamningum, velta nam 5,3 milljörðum króna og meðalupphæð á hvern kaupsamning 27,3 milljónir króna.
Þegar maí 2010 er borinn saman við maí 2009 fjölgar kaupsamningum um 23,5% og velta minnkar um 2,2%. Í maí 2009 var þinglýst 170 kaupsamningum, velta nam 5,9 milljörðum króna og meðalupphæð á hvern kaupsamning 34,8 milljónir króna.
Makaskiptasamningar voru 49 í maí 2010 eða 25,5% af öllum samningum. Í apríl 2010 voru makaskiptasamningar 36 eða 19,9% af öllum samningum. Í maí 2009 voru makaskiptasamningar 79 eða 48,8% af öllum samningum. Makaskiptasamningur er þegar hluti kaupverðs er greitt með annarri fasteign. Upplýsingar um makaskiptasamninga eiga eingöngu við um íbúðarhúsnæði.
Sjá nánar hér.